Manuel Galego Iglesias, nos inicios dos anos 60, retratou as xentes de Agolada, nas festas, nas cerimonias, na rúa, na casa. Non tomou imaxes de estudio porque non o tiña, aínda que nalgunha ocasión ensaiou tal posibilidade. Tamén captou ás persoas no seu entorno, con toda a espontaneidade do momento. Como a este home da imaxe, de quen descoñezo a identidade. Entre as razóns que motivaron esta imaxe podemos aventurar a petición expresa do retratado, ou que a indumentaria estrafalaria que vestía suscitase o interese plástico do fotógrafo. Non era esta unha indumentaria estraña e inusual. Labregos, traballadores, ás veces con escasos recursos económicos, estaban obrigados a vestir farrapos ou prendas tan remendadas nas que a parte orixinal era anecdótica.
Naqueles anos celebrábase pouco o entroido e cando se facía usábanse frecuentemente roupas vellas combinadas ao chou para disfrazarse. Mais, neste caso o noso personaxe non creo que vestise de entroido.
Ningún comentario:
Publicar un comentario